Immer numä Rap

Part I

u i bi vo afang ah fasziniert vo däm Wortwitz

u plötzlech ufere unerwartete reis wie dä hobbit

i ghöre uf Viva wiesi rappe, u i verstohse

taz u Greis mit Brugg, track woni hüt no lose

ghöre im discman mis erste aubum vo brandhärd

fühle das no hüt aus wärs nid langhär

auem e chance gä, coldplay, Nickelback

Linkin Park, Foofighters aber für mi gits nume rap

ha Gänsehut bim lose vo Takt drü zwöi

u merke wie viu wo im radio sy gar nüt chöi

has probiert mit Charts, Melodie und Pop

geit mer aus z weni tief wott nur no Hip Hop

ha mi probiert z bewege, zu indi und soul

zu Funk und Blues, aber bi ou dört nid so wou

ha afoh Klassik lose aber bi dört nid deheim

leg am ne schwein e azug ah aber es blibt es schwein

Hook:

i ha jazz glost, techno u pop

aber würk nume bock uf Rap Rap

i ha klavier gspiut, gflötlet u so

aber würk nume bock uf Rap Rap

I ha House glost, Country u Rock

aber würk nume Bock uf Rap Rap

i ha Kolumne gschribe, gründet u so

aber würk nume Bock uf Rap Rap

Bridge 1

u für z zeige wieni äbe Ungerläge bi häbi mi zrugg

oder äbe ni läbeni immer nume unger Druck

Part II

i has probiert lose ide Ferie nume no Rammstein

aber dräie düre ghöri nöime e geili punchline

ganz öbis angers probiere jeze techtonic

winä epi afau bewege mi ou hier sehr komisch

drü viertu Takt villecht geits jo mit Wauzer

bi gad sehr unsicher, gloube das gfaut mer

villecht klappts mit Salsa aber eis isch sicher

i bi nid eso dr dänzer eher so dr figger

lose schöni klavierstück, hie fingi mi fridä

när losi Kontra K, das Gfühli chani ni beschribä

geili Gitarre u Stim, dasmou chumi drvo wäg

red hot chilli peppers, bruche nieme rap

aber när dä Momänt, Aight Mile, lose yourself wow

ab däm Zitpunkt isch für mi nümme normau

mis änglisch isch scheisse aber öbbis chani

chunnt dä Track im Club wirdi e verdammte ami

Bridge 2

u für z zeige wieni äbe Ungerläge bi häbi mi zrugg

oder äbe ni läbeni immer nume unger Druck

u säge si si näme mir dä rap furt

häbi mi u gspüre dä schmärz ir Brust

wöu für mi gits nume Rap Rap

immer nume Rap Rap

immer nume Rap

nume Rap