Bis nid verruckt uf mi

Part 1

i weiss i bi z spät deheim i cha nüt derfür

vo mir isch es outo explodiert, (bääm) überau für

okey gibes zue, ha mi mit de Jungs vertrainiert

aber weisch drü Stung im Training sy so schneu passiert

u du weisch für mi Rücke isch dehnä goud wärt

beweglich sy macht Fröid nur wäge däm bini so spät

okey gibes zue villecht hei mer ou no chley gschnuret

u no öbbis chlyses gässe süsch wäri verhungert

dasi wiedermau so knapp drann bi isch scho chly dumm

ha no guet müesse düschele us angst vorm Ringwurm

nimm doch churz e uszit und gang ufs sofa go lige

ou ha vergässe d Ching wei ja no spilä

koche nur no schnäu fertig när luegi zu ihnä

villecht spile si ja so lang elei i ihrem zimmär

isch jeze vilecht nid grad dr richtig zitpunkt

aber wür am zisti gärn go jasse mit de Jungs

Hook

i weiss i weiss, i bi wiedermau z spät dehei

du hesch no gseit, chum eifach nume pünktlech hei

isch nid okey, i ha nid viu überleit

nei nei nei nei, i finges säuber ou nid so geil

bitte bis doch, bitte bis doch, nid verruckt uf mi

nei nei nei nei, bitte bis doch, bitte bis doch, nid verruckt uf mi

Part 2

ändlich mau chley Sunnä i däm chaute Winter

u Mittag isch gsi mir chöi es apéro drinkä

dusse ar früsche Luft es entrecot grillä

es glesli Rote u die gfülte piuzä woni so liebä

okey okey i gloube hüt gits e Usnahm

bi on fire ha Bock für i Usgang

Zigarillos ghout u dr Schnupf barat

scho z lang här hüt bini mit de jungs am start

schribe churz dasi äuä nid uf znacht deheim bi

merci fürs nid bös sy du bisch die beschti

zwöuf Stung später mit Gipfeli ir Hang

stohni kaput vor dir, i weiss nid ideau

bruche nur hurti ei zwöi stung zum Löie

när bini bi dir u cha die chline betröie

ungernähme öbbis cools u du chasch di erhole

müesste eifach de no churz go z outo hole