70 Rappe pro KM
Part I
i gseh di immer meh, zwüsche üs cha aus perfekt sy
beziehige si schwär, hoffe das hie isch die letsti
wieso no e vertrag? bis doch nid so skeptisch
rede mer nid vo lüge, mir si immer ehrlich
Ringe chouft me schnäu, graviert mit üsnä Näme
aues schint so häu, bereit zum Vater wärde
Ultraschau isch guet, mi ghört sogar es Härz schla
Zit vergeit im Flug, u i säg ders no gad äxtra
Ching die bruche platz drum choufi üs e kombi
Heidubeeri pflanzt, im Summer mache mer Konfi
Zinse si gad töif u schulde cha me abzie
dr Makler sympatisch und üs gfaut dä platz hie
belehnä düe mer höch, z 3a und erspartä
nöi kuchi, nöi bäder und e grosse gartä
ändlech sy mer z viert, has chum chönne erwarte
glücklechi Familie strauht im Biuder Rahme
Hook
60 Prozänt vom Lohn – für vier tag im Monet
verlore gangni Zit chasch nie meh ufhole
d Hüte isch verkoufft u wäg isch dr Chare
70 Rappe zahle pro Kilometer fahre
Part II
i gseh üs nümm so sehr, Problem die wärde grösser
Liebi im ne Töif, es stige nur no d köste
Freizit wird knapp, Zit zwöit nur no säutä
Interässe gö usnang, läbe i angere wäutä
Eutere sy isch sträng, d kinder si am bade
Dr Akku dä isch vou u Tinder ladi abe
Zieh mittlerwile meh, auter cha ou guet sy
matches fingt me schnäu, spannend sone jungii
u si sy gränzt sech ab, d absätz wärde höcher
Gspräch sy oberflächlich, ergänze das nid nöcher
Whatsapp ir Nacht, Nummero nid gspichert
schöpfe ke Verdacht, wou vom schaffe öbis wichtigs
sie schminkt sech wieder meh, löst es fitnessabi
chunnt später hei, trifft sech mit irgendemne spassti
parisienne gäub, wieder meh am puffe
die schlaue unger sich, wie ig Elitepartner hasse
Part III
i ma di nümme gseh, du nimmsch mer mini ching wäg
e fairi lösig, intressiere di e schissdräck
mi awaut nid bir Sach, dine chli u giftig
ching nur säute bi mir, irgendwie ni richtig
mis outo ghört jez dir, fahri haut meh velo
Sport länkt mi ab, vo innerlechem terror
au 14 täg sy d ching bi mir, immer no so härzig
machi mitnä e usflug, schicksch mer ä rächnig
so à la, wotsch mit üsem Chare Fahre
(wo ig koufft ha) chasch pro Kilometer zahle
fuck, so hani mer das ni vorgsteut
verfluche dr Tag wo sy mir di hei vorgsteut
z Urteil isch klar, aus nur no schriftläch
Differänze wo mer hei, reglä mer grichtläch
nümme übrig vo, „Schadz du bisch dr best»
bringsch se nomau 10 minute z spät, mäudi das ar kesb
